अर्थलगानी

अर्थ–लगानी। समता घरेलु लघुवित्तले यो वर्षका लागि लाभांश घोषणा गरेको छ । कम्पनीको मङ्सिर २४ गते बसेको संचालक समितिको बैठकले आर्थिक वर्ष ७९–८० को मुनाफाबाट वितरण गर्ने लाभांश प्रस्ताव गरेको हो । कम्पनीले कायम चुक्ता पूँजीको ५.४२२२ प्रतिशत बोनस शेयर र कर प्रयोजनको लागि ०.२८५४ प्रतिशत नगद लाभांश गरि कुल ५.७०७६ प्रतिशत लाभांश वितरण गर्ने प्रस्ताव गरेको हो। हाल कम्पनीको चुक्ता पुंजी ३९ करोड ४१ लाख ५५ हजार रहेको छ । शेयर संरचना अनुपात ७०ः३० (संस्थापकः सर्वसाधारण) कायम गराउने उद्देश्यले नपुग शेयर रु. ३ करोड ३२ लाख ८५ हजार ६ सय बराबरको शेयर सर्वसाधारणको लागि सार्वजनिक निष्काशन सम्बन्धी प्रक्रियामा रहेको हुँदा वार्षिक साधारण सभा संचालन प्रयाजनार्थ बुक क्लोज भन्दा अगावै उक्त शेयर समायोजन भए समायोजित शेयरधनीहरुलाई समेत प्रस्तावित लाभांश वितरण गरिने कम्पनीले जनाएको छ। नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ ।