अर्थलगानी

काठमाडौँ। हिमालयन बैंकले यो वर्ष आफ्ना शेयरधनिको हात खालि गराउने भएको छ। बैंकले आ.व. २०७९–८० को मुनाफाबाट लाभांश नदिने भएको हो। कम्पनीको पुस ४ गते सम्पन्न संचालक समितिको बैठकले आ.व. २०७९–८० मा लाभांश वितरण नगर्ने प्रस्ताव सहित वित्तीय विवरण स्वीकृतिको लागि राष्ट्र बैंकमा पठाउने निर्णय गरेको हो । बैठकले २०८०–३–३१ को वासलात, २०७९ साउन १ गतेदेखि २०८० असार मसान्तसम्मको नाफा नोक्सान हिसाब र सोही अवधिको नगद प्रवाह विवरण स्वीकृत गर्ने प्रस्ताव सहित उक्त वित्तीय विवरणहरु अनुमोदनको लागि आगामी वार्षिक साधारण सभामा पेस गर्न स्वीकृतिको लागि नेपाल राष्ट्र बैंकमा पेस गर्ने निर्णय गरेको हो।