अर्थलगानी

काठमाडौँ। सिटिजन लाइफ इन्स्योरेन्स कम्पनी लिमिटेडले लाभांश घोषणा गरेको छ। कम्पनीले गत आर्थिक वर्ष २०७९–८० सम्मको संचिती मुनाफाबाट लाभांश घोषणा गरेको हो । कम्पनीले हाल कायम ३ अर्ब ७५ करोड रुपैयाँ चुक्ता पूँजीको ५ प्रतिशत बोनश शेयर र कर प्रयोजनका लागि ० दशमलव ०२६२५ प्रतिशत नगद गरी कुल ५ दशमलव २६२५ प्रतिशत लाभांश वितरण गर्ने प्रस्ताव गरेको हो । कम्पनीको हिजो पुस १६ गते बसेको संचालक समितिको बैठकले १८ करोड ७५ लाख रुपैयाँ बराबरको बोनश शेयर वितरण गर्ने निर्णय गरेको हो । बोनश शेयरपछि कम्पनीको चुक्ता पूँजी ३ अर्ब ९३ करोड ७५ लाख रुपैयाँ हुनेछ । कम्पनीले गत भदौ १५ गतेदेखि सर्वसाधारणका लागि आइपीओ विक्री गरेको थियो । प्रस्तावित लाभांश नेपाल बीमा प्राधिकरणले स्वीकृति दिएपछि र कम्पनीको आगामी वार्षिक साधारणसभाले पारित गरेपछि लगानीकर्तामा वितरण हुनेछ ।