नेप्से सूचकले मंगलबार ७५.३३ विन्दुले वृद्धि गर्दै २५६३.४३ अंकमा पुगेको छ। यो २८ महिना यताकै उच्च विन्दु हो।

आज बजारमा १४ अर्ब ११ करोड रुपैयाँभन्दा बढीको सेयर कारोबार भएको छ र सबै समूहका सूचक बढेका छन्, विशेषगरी बिमा समूहमा बढी उत्साह देखिएको छ।

पछिल्लो समय नेप्से सूचकमा वृद्धि आएको छ, आर्थिक परिसूचकमा सुधार हुँदै गएको छ र ब्याजदर घटिरहेको ,आगामी मौद्रिक नीति खुकुलो हुने अनुमान गरिएको  जसले लगानीकर्ताको मनोबल बढाएको विश्लेषण गरिएको छ।

वर्तमान अवस्थामा, ३१७ कम्पनीको ३ करोड ९७ लाख ९० हजार भन्दा बढी कित्ता सेयर कारोबार भएको छ। कारोबार रकममा शिवम् सिमेन्ट्स अग्रस्थानमा छ, जबकि अपि पावर र हिमालयन रिइन्सरेन्स दोस्रो र तेस्रो स्थानमा रहेका छन्