एजेन्सी  – डेमोक्रेटिक राष्ट्रपतिको उम्मेदवार कमला ह्यारिसले नयाँ घर बनाउलाई अनुदान दिने घोषणा गरेकी छन् । उनले चुनावी सभालाई सम्बोधन गर्दै नयाँ घर बनाउनेलाई २५ हजार डलर अनुदान दिने घोषणा गरेकी हुन् ।

ह्यारिसले शुक्रबारको भाषणमा नयाँ घरहरूको निर्माणलाई समर्थन गर्ने कुरा सार्वजनिक गरेकी  हुन् । यसमा घर बनाउनेहरु र  किन्नेहरुका  लागि कर छुट, साथै स्थानीय सरकारहरूलाई जमिनको प्रयोगमा भएका कठिन नियमहरूलाई सरल बनाउन प्रोत्साहन गर्ने उपायहरू समावेश गरेकी छन् । यी उपायहरूले राष्ट्रपति जो बाइडेनको प्राथमिकताहरूलाई अझ ठूलो बनाउने काम गर्दैछन्। बाइडेनले २० लाख नयाँ घरहरूको प्रस्ताव गरेका थिए भने ह्यारिसले थप १० लाख घरहरूको लागि दाबी गरेकी छिन्। बाइडेनले २० अर्ब डलरको कोष प्रस्ताव गरेका थिए भने ह्यारिसले यसलाई बढाएर ४० अर्ब डलरको कोष बनाउन प्रस्ताव गरेकी छिन्।

उनले किराना जस्ता क्षेत्रमा कर्पोरेट ‘मूल्य वृद्धि’लाई लक्षित गर्ने उपायहरू प्रस्तुत गर्ने योजना बनाएकी छिन्। यस्तो नियन्त्रणले मूल्यवृद्धि बढाउने र प्रतिस्पर्धालाई हतोत्साहित गर्न सक्ने जानकारहरु बताउछन ।

ह्यारिसले २०२१ मा अस्थायी रूपमा लागू भएको बाल कर छुटलाई पुन: सुरु गर्ने बताएकी छन् ।  जसले एक वर्षमै बालबालिका गरिबीको दरलाई ५.२% मा झारिदिएको थियो। यस नीतिलाई स्थायी बनाउन सके यसले गरिबीमा रहेका बालबालिकाको दीर्घकालीन सुधारमा ठूलो योगदान दिन सक्ने आंकलन गरिएको छ ।

लेखकको बारेमा

अर्थलगानी