काठमाडौं – नेपालकै सबैभन्दा ठूलो इन्टरनेट सेवा प्रदायक वर्ल्डलिंक कम्युनिकेशन्स लि. ले आफ्ना ग्राहकका लागि विशेष योजना घोषणा गरेको छ। कम्पनीले १० लाख घरधुरीसम्म इन्टरनेट सेवा पुर्याउने अवसरमा नयाँ ग्राहक तथा सेवा नवीकरण गर्ने ग्राहकलाई हरेक दिन iPhone 16 जित्ने मौका प्रदान गर्ने जनाएको छ।

वर्ल्डलिंकका अनुसार, यो योजना फागुन महिनाभर लागू हुनेछ, जसअन्तर्गत १० जना भाग्यशाली विजेताले iPhone 16 उपहार प्राप्त गर्नेछन्। कम्पनीको सेवा ७४ जिल्लामा विस्तार भइसकेको र हाल ५० लाखभन्दा बढी नागरिकले यसको इन्टरनेट सेवा प्रयोग गरिरहेको बताइएको छ।

ग्राहकमैत्री योजनासँगै गुणस्तरीय सेवा

वर्ल्डलिंकले हिमाल, पहाड, तराईका ग्रामिण क्षेत्रहरूमा इन्टरनेट पहुँच विस्तार गर्दै डिजिटल युगलाई सबै नेपालीको पहुँचसम्म पुर्याउने प्रतिबद्धता जनाएको छ। कम्पनीका अनुसार, ग्राहकको उल्लेखनीय सहभागिताकै कारण आज यस उपलब्धिमा पुग्न सफल भएको हो।

नयाँ ग्राहकका लागि थप आकर्षक अवसर

यो योजना अन्तर्गत, नयाँ ग्राहकले सेवा लिँदा वा पुराना ग्राहकले आफ्नो इन्टरनेट नवीकरण गर्दा उनीहरू iPhone 16 जित्ने लक्की ड्रमा सहभागी हुनेछन्।

कम्पनीका अनुसार, इन्टरनेट पहुँचलाई अझ विस्तार गर्दै देशव्यापी डिजिटल क्रान्तिलाई तीव्रता दिने लक्ष्य रहेको छ। वर्ल्डलिंकले आगामी दिनमा ग्राहकहरूको माग अनुसार थप प्रविधि र सेवा सुधार ल्याउने योजनासमेत अघि सारेको छ।