कैलाली, टीकापुर – टीकापुर नगरपालिकाको सामुदायिक बायो ग्यास प्लान्ट विद्युत् महसुल नतिरेपछि अलपत्र परेको छ। यस प्लान्टले गोबरबाट ग्यास उत्पादन गरेर दैनिक चार घण्टा स्थानीयलाई ग्यास उपलब्ध गराउने कार्य गर्दै आएको थियो, तर हाल विद्युत् लाइन काटिएपछि ग्यास वितरण ठप्प भएको छ।

नगरपालिकाले विद्युत् महसुल नतिरेको कारण १५ हजार रुपैयाँभन्दा बढीको रकम बक्यौता भएपछि विद्युत् प्राधिकरणले लाइन काट्न पुगेको थियो। हाल बक्यौता रकम २५ हजार १७२ पुगेको बताइएको छ।
सामुदायिक पशुचौपाया व्यवस्थापन समितिका अध्यक्ष लोकबहादुर बुढाक्षेत्रीका अनुसार,  नगरपालिकाले ग्यास प्लान्ट चलाउनका लागि थप प्रयास नगरेपछि संरचना धोस्त हुने अवस्थामा पुगेको छ।

यस प्लान्टको करिब १ करोड ६० लाख रुपैयाँको लगानी भएको थियो र यसले पशु मल, जैविक फोहर र कृषि अवशेषको माध्यमबाट बायो ग्यास उत्पादन गर्ने लक्ष्य राखेको थियो। हाल, ग्यास वितरणको सेवा बन्द भएपछि, स्थानीयहरूको एलपी ग्यासको सहारामा फर्कनु परेको स्थिति आएको छ।

उपभोक्ताहरूले भने, ग्यास प्लान्ट सञ्चालन गर्न महँगो दर तोकिएको र यसको मर्मतसम्भार नगरेको कारण सेवा निरन्तरता नपाएको बताएका छन्।

नगरपालिकाका वन, वातावरण र फोहर व्यवस्थापन उपशाखाका प्रमुख लोकबहादुर बुढाले भने, उपभोक्ताको विरोधका कारण ग्यास प्लान्ट बन्द गर्नुपरेको र समन्वय गरेर चाँडै प्लान्ट सञ्चालनमा ल्याउने तयारी गरिएको बताएका छन्।