काठमाडौं । नेपालमा लक्जरी ईभी मार्केटमा नयाँ नामको रूपमा उदाएको दिपलले आफ्नो पहिलो वर्षमा अभूतपूर्व सफलता प्राप्त गरेको छ। आठ सयभन्दा बढी ग्राहकको विश्वास जित्दै, यो कम्पनी नेपालका प्रमुख ईभी ब्रान्डको रूपमा स्थापित भएको दाबी गरेको छ।

दिपलको इनोवेटिभ ईभी मोडेलहरू जस्तै दिपल एस०७, एल०७ र ई०७ सँगै उद्योगका पहिलो फिचरहरू जस्तै जेस्चर कन्ट्रोल र एआर–एचयूडी जस्ता प्रविधिहरूले ग्राहकको अपेक्षालाई पुनः परिभाषित गरेको छ।

साथै, एमएडब्लू वृद्धिले नेपालका ९६ स्थानमा चार्जिङ स्टेसनहरूको सञ्जाल विस्तार गर्दै, दिपललाई नेपालको इलेक्ट्रिक मोबिलिटी क्षेत्रमा नयाँ चोटीमा पुर्याएको छ।

दिपलले नेपालका प्रमुख सेलिब्रिटीहरूको साथमा ब्रान्डको प्रवर्द्धन गर्दै, क्रिकेट आइकन पारस खड्कासम्मलाई आफ्नो आधिकारिक ब्रान्ड एम्बास्डर बनाएको छ, जसले यसको लोकप्रियता अझै बढाएको छ।

सार्वजनिक भएको पहिलो वर्षमा दिपलले विभिन्न पुरस्कारहरू समेत जितेको छ, जस्तै ‘सांग्रिला न्यु इनर्जी अवार्ड’ र ‘एसयुभी अफ द इयर २०२४’। यसको साथै, अन्तर्राष्ट्रिय स्तरमा ब्रान्डको प्रभाव फैलाउँदै, ब्रायन लारा र सोनु निगमजस्ता प्रमुख हस्तीहरूको सहकार्य पनि देखाइएको छ।

दिपलले आफ्नो भविष्यको योजनामा नेपाललाई दीर्घकालीन इलेक्ट्रिक मोबिलिटीको गन्तव्य बनाउन प्रतिबद्धता व्यक्त गरेको छ।