अर्थलगानी

काठमाडौँ। भारतीय अर्बपति व्यापारी मुकेश अम्बानीले अमेरिकी मनोरञ्जन कम्पनी वाल्ट डिज्नीको व्यावसाय किन्न लागेको छ। अम्बानीको कम्पनी रिलायन्स इन्डष्ट्रिजले उक्त कम्पनीको भाारतीय व्यावसाय शेयर र नगदमा किन्न लागेको हो। स्रोतका अनुसार रिलायन्सले नगद र शेयर दिएर करिब १० अर्ब डलरमा डिज्नी स्टारको बहुमत शेयर किन्न लागेको छ । डिज्नीको सम्पत्तिलाई रिलायन्सले ७ अर्ब देखि ८ अर्बबीच मूल्यांकन गरेको छ। यो खरिद सम्झौताको घोषणा छिटोमा आगामी महीना हुन सक्ने बताइएको छ । यो सम्झौतामा डिज्नीलाई पनि भारतीय कम्पनीमा अल्पसंख्यक हिस्सा मिल्नेछ । सम्झौताको आकारबारे अहिलेसम्म अन्तिम निर्णय भइसकेको छैन । डिज्नीले आफ्नो सम्पत्तिको मूल्यांकन गर्न केही बढी समय लिन सक्ने बताइएको छ । भारतमा डिज्नी स्टारको सब्सक्राइबर संख्या घटिरहेको छ । कम्पनीले भारतमा व्यवसायको अन्य विकल्प पनि हेरिरहेको बताइएको छ ।