अर्थलगानी

काठमाडौँ। आज मंसिर ५ गते मंगलबार सुनचाँदीको मूल्यमा वृद्धि भएको छ। आज सुनको मूल्यमा प्रतितोला ५०० रुपैयाँले वृद्धि भएको छ भने चाँदीको मूल्यमा ५ रूपैयाँले वृद्धि भएको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १६ हजार २०० रूपैयाँ र तेजाबी सुन प्रतितोला एक लाख १५ हजार ६५० रूपैयाँमा कारोबार भइरहेको छ। सोमबार छापावाल सुन प्रतितोला एक लाख १५ हजार ७०० रूपैयाँ र तेजाबी सुन प्रतितोला एक लाख १५ हजार १५० रूपैयाँमा कारोबार भएको थियो। यस दिन चाँदी प्रतितोला ५ रूपैयाँले बढेर एक हजार ४५५ रूपैयाँमा खरिद बिक्री भइरहेको छ। सोमबार चाँदी एक हजार ४५० रूपैयाँमा खरिदबिक्री भएको थियो।