अर्थलगानी

काठमाडौँ। मल्टीपर्पस फाइनान्सले यो वर्ष लाभांश नदिने भएको छ। फाइनान्सले गत आर्थिक वर्ष २०७९–८० को मुनाफाबाट लाभांश नदिने भएको हो। कम्पनीको पुस १८ गते सम्पन्न संचालक समितिको बैठकले लाभांश वितरण नगर्ने प्रस्ताव सहित वित्तीय विवरण स्वीकृतिको लागि राष्ट्र बैंकमा पठाउने निर्णय गरेको हो । बैठकले २०८०–३–३१ को वासलात, २०७९ साउन १ गतेदेखि २०८० असार मसान्तसम्मको नाफा नोक्सान हिसाब र सोही अवधिको नगद प्रवाह विवरण स्वीकृत गर्ने प्रस्ताव सहित उक्त वित्तीय विवरणहरु अनुमोदनको लागि आगामी वार्षिक साधारण सभामा पेस गर्न स्वीकृतिको लागि नेपाल राष्ट्र बैंकमा पेस गर्ने निर्णय गरेको छ। राष्ट्र बैंकले वित्तीय विवरण स्वीकृत गरि अनुमति दिएसँगै कम्पनीले साधारणसभा गर्ने छ।