अर्थलगानी

काठमाडौँ। बढ्दो क्रममा रहेको सुनको भाउ मंगलबार घटेको छ। मंगलबार सुन तोलामा ४०० रुपैयाँले घटेको नेपाल सुनचाँदी व्यवसायी महासँघले जनाएको छ। नेपाल सुनचाँदी व्यवसायी महासंघका अनुसार मंगलबार छापावाला सुन प्रतितोला १ लाख ३१ हजार २०० र तेजाबी सुन प्रतितोला १ लाख ३० हजार ५५० रुपैयाँमा खरिदबिक्री भइरहेको छ। सोमबार छापावाला सुन हालसम्मकै उच्च मूल्य प्रतितोला १ लाख ३१ हजार ६०० रुपैयाँमा खरिदबिक्री भएको थियो। यता चाँदीको भाउ भने तोलामा १० रुपैयाँले बढेर प्रतितोला १ हजार ५४५ रुपैयाँ पुगेको छ। सोमबार चाँदी प्रतितोला १ हजार ५३५ रुपैयाँमा खरिदबिक्री भएको थियो ।