अर्थलगानी

काठमाण्डौँ।  सुनको मूल्यले आज पनि नयाँ रेकर्ड कायम गरेको छ । आज सुनको मूल्य प्रतितोला ६ सय रुपैयाँले बढेको छ । अघिल्लो दिन प्रतितोला २९ सय रुपैयाँले बढेको सुनको मूल्य आज प्रतितोला ६ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाला सुनको मूल्य तोला ६ सय रुपैयाँले बढेदै प्रतितोला १ लाख ३६ हजार २ सय रुपैयाँ कायम भएको छ । यो मूल्य हालसम्मकै उच्च हो । त्यस्तै आज तेजावी सुनको मूल्य पनि ६ सय सय रुपैयाँले बढ्दै प्रतितोला १ लाख ३५ हजार ५५० रुपैयाँ कायम भएको छ । आज चाँदीको मूल्य पनि बढेको छ । चाँदीको मूल्य तोलामा १५ रुपैयाँले बढेर प्रतितोला १ हजार ६ सय ८५ रुपैयाँ कायम भएको छ ।