अर्थलगानी

काठमाडौँ। चालु आर्थिक वर्ष ७९–८०को तेस्रो त्रैमासमा अभियान लघुवित्त वित्तीय संस्था लिमिटेड घाटामा गएको छ। कम्पनीले आज सार्वजनीक गरेको तेस्रो त्रैमासको वित्तीय विवरणमा कम्पनी अहिले १ करोड २१ लाख ८० हजार रुपैयाँ बराबर घाटामा गएको देखिएको हो। जबकी अघिल्लो त्रैमासमा कम्पनीले १ करोड ५४ लाख ८४ हजार नाफा कमाएको थियो। र गत आर्थिक वर्षको तेस्रो त्रैमासमा आउँदा १ करोड २ लाख रुपैयाँ बढी नाफा कमाएको थियो। कम्पनीको खराब कर्जा ०.४५ प्रतिशतबाट बढेर ४.६१ मा पुगेको छ। सोहि कारण कम्पनीको नाफामा धक्का लागेको देखिन्छ। कम्पनीको खुद ब्याज आम्दानी भने करिब साढे २ सय प्रतिशतले बढेको छ। २३५ प्रतिशतले बढ्दा ब्याज आम्दानी २० करोड ७५ लाख ५७ हजार पुगेको छ। गत आर्थिक वर्षको सोही अवधिमा ब्याज आम्दानी मात्रै ६ करोड १९ लाख ५३ हजार रुपैयाँ रहेको थियो। २५ करोड चुक्ता पुँजी रहेको कम्पनीको रिजर्भमा २ करोड १९ लाख रहेको छ । कम्पनीको प्रति शेयर आम्दानी ऋणत्मक ६.४९ रुपैयाँ रहेको छ भने प्रति शेयर नेटवर्थ १०८.७८ रुपैयाँ रहेको छ ।