काठमाडौं,। एक दिनको गिरावट पछि बिहीबार सेयर बजारमा पुनः वृद्धि भएको छ। नेप्से सूचक ३२.०२ अंकले वृद्धि भएर २५६८.११ अंकमा पुगेको हो।
आज १४ अर्ब १३ करोड रुपैयाँभन्दा बढीको कारोबार भएको छ।

५ वटा कम्पनी सकारात्मक सर्किट लेबलमा कारोबार भएका छन् भने १३ मध्ये ९ वटा समूहका सूचकमा वृद्धि भएको छ। विशेषगरी, माइक्रोफाइनान्स समूहको सूचक ६.८३ प्रतिशतले बढेको छ।

पछिल्ला ६ दिनमा लगातार वृद्धि भएपछि बुधबार बजारमा गिरावट आएको थियो। आजको दिनमा बजारमा पुनः वृद्धि भइरहेको छ। सरकारले पुँजी बजार सुधार र केन्द्रीय बैंकको लचिलो मौद्रिक नीतिको तयारीले बजारमा बलियो संकेत दिएको छ।

आज ३२० कम्पनीको ३ करोड ५५ लाख कित्ता सेयर कारोबार भएको छ। कारोबार रकममा सानिमा जीआइसी इन्सुरेन्सले अग्रता राखेको छ।

लेखकको बारेमा

अर्थलगानी