काठमाडौँ। नेपाल इन्भेष्टमेन्ट मेगा बैंक लिमिटेडको ३ लाख २८ हजार ९८० कित्ता संस्थापक सेयर बिक्रीमा आएको छ। बैंकका १० जना संस्थापक सेयरधनीको स्वामित्वमा रहेको उक्त शेयर बैंकले बिक्रिमा ल्याएको हो।
यो सेयर खरिदका लागि बैंकका विद्यमान संस्थापक सेयरधनीले मात्रै खरिद आवेदन दिन सक्नेछन् ।
इच्छुक संस्थापक सेयरधनीहरुले बैंकको सेयर शाखा लाजिम्पाटमा के–कति दरमा खरिद गर्ने हो उल्लेख गरी आवेदन दिनुपर्नेछ। संस्थापक सेयरधनीले सेयर खरिदका लागि सूचना प्रकाशित भएको ३५ दिनभित्र आवेदन दिनुपर्नेछ।
तोकिएको समयभित्र खरिद आवेदन नपरेमा अन्य व्यक्ति तथा संघ संस्थालाई सेयर बिक्री गर्ने प्रक्रिया अगाडि बढाइने बैंकले जनाएको छ ।
लेखकको बारेमा
प्रतिक्रिया