काठमाडौँ। सेयर बजारमा बिहीबार सामान्य करेक्सन देखिएको छ। सूचक ५.२९ अंकले घटेर २७५५.६२ अंकमा अडिएको छ। २१ अर्ब ७१ करोड रुपैयाँभन्दा बढीको सेयर कारोबार भएको छ। १३ मध्ये ६ वटा समूहका सूचक बढेका छन्, र ८ कम्पनी सकारात्मक सर्किट लेबलमा कारोबार भएका छन्।

हालको बजार अवस्था हेर्दा, सेयर बजारले नयाँ उचाई तय गर्ने काम जारी राखेको देखिन्छ। बुधबार नेप्सेले अहिलेसम्मकै उच्च कारोबार रेकर्ड कायम गरेपछि बिहीबार इन्ट्रा डेमा २८ सयको मनोवैज्ञानिक रेखा पार गर्न सफल भएको हो। यद्यपि, त्यसपछि सूचक पुनः २७ सयको स्तरमा फर्किएको छ।

नेप्सेको स्थिर वृद्धि, नयाँ ब्रोकरहरूको संख्यामा वृद्धि, र लगानीकर्ताको उत्साह बजारको सकारात्मक वृद्धिमा योगदान गरिरहेका छन्। बजारमा तरलता र सरकारी प्रतिबद्धताले लगानीकर्ताको मनोबल उच्च राख्न मद्दत पुर्याएको छ।

यस दिन ३३२ कम्पनीको ५ करोड १३ लाखभन्दा बढी कित्ता सेयर कारोबार भएको छ। कारोबार रकममा हिमालयन रिइन्सुरेन्स अग्रस्थानमा रहेको छ।

लेखकको बारेमा

अर्थलगानी